11 giugno 2023

650/274a - s. 472/258° in dialetto
No a caso do żeta int’el cognome
No a caso do żeta int’el cognome...
L’oca sgramoeona, ma sinti!, s’ha indignà 
(sì, Signor...) parché ’e maestre  (... ciome!)
Bella ciao ai boce g’ha insegnà, 

uno dei pì bei canti de libertà 
al mondo, ma no pa’ ’a facia da gome,
che tenpo fa ha preferìo cantar
Faccetta nera; un allibisse de come

ha dit el canto na provocazion... 
Zaja, te tien sta oca inpertinente
assessora veneta a l’istruzion:

ma a lassarghe far ’a deficiente
te fa ti ’a figura del cojon:
màndea studiar, co tuta ’a pora żente.