567/248a - s. 408/235° in dialetto
Naltre do mate
Jere drio sorvejar el cantón
che i me véa ’fidà, e riva fin
là na betònega senza espression:
“’A to quinta ha na bottiglia de vin!”
A Nadal na butilia in vintidó
co do pandori!, serve far casìn?
Vae veda, e no i taja el paneton
ché n’altra g’ha sequestrà ’l corteìn:
“È un’arma! Il regolamento è noto!”
E intanto che ’a furba mena lengue
la mande dal capo: ’a véa fin na foto
del seghet da cusina, “I delinque!”
Pensée che ’e mate fusse oto
e inveze le é do volte zinque.
|