24 aprile 2025

681/280^ - s. 491/262° in dialetto

Meóna

Se contén tute 'e volte che par strada
'a Giorgeta ha canbià opinion,
praticamente su ogni monada
'a bate parfin el Mus Capezon:

no 'a jera bona de dir quel che s'ha da
far, ma de zigar da l'oposizion;
dess 'a par brava parché circondada
da un pì de chealtro semo o cojon...

Ogni do par tre 'a riposiziona:
quel che 'a diséa senza cognizion
doman sarà na stupidàa bona:

el fato 'l é che no 'a ha na vision,
e no l'ha gnanca na gran costruzion
in testa: la ha sol che na meóna.