29 ottobre2025

702/282^, sonetto 510/264° in dialetto
Ma quant'è brutta la ....... .....
 
Ma quant'éa bruta, 'a ....... .....,
bruta dentro, da sfiorar l'indecenza,
che 'a fa pagar in nero, senza resto,
na inùtie e vigliacca consu'enza

a un cliente su de un afar onesto,
e 'a se rifiuta de darghe 'a sentenza
che inte'l so libret (degno del zhest)
éa rivendica in scienza e conoscenza;.

Te 'a vede co n'altra oca contente
tra i verdi trogloditi de Pontida,
a so agio inte'l so vero ambiente

de poretani che 'a coscienza sfida,
sgionfa come na pitona sacente...
E dime ti se no 'a fa da rida.