31 marzo 2020

581/253^ 
 s. 418/240 in dialetto
Ma dimmi se si puà, Roby
Però, che fioi de Poohtana de amighi!
Quaranta e pì ani che 'i sona insieme
par tute 'e spiaje e che 'i fa i fighi 
co canzon che, se no le ha propio gème

de testi, le sta pur sempre su righi
dignitosi... e i ghe fa sbrocar un meme
col pì insulso e assurdo dei zighi,
che se son mi tire bestéme.

Par farlo spacar col so bel espluà
sul zà ridìcoeo "Dio de le città"
i lo 'assa ndar su su inzima

a zigagnar "Ma dimmi se si puà"
che ancora dess é chi che de chea rima
lo cojona come mai nissun prima.