11 agosto 2015

525/216°- sonetto 371/207° in dialetto
Ma come vi vestite (Enzo e Carla)
 

Inte l’era dei pajazzi un divo ’l é sto Enzo,
alt un mese, magro cofà un tra’icio
signor de ’a moda, signor de’e semenze,
da l’inùtie facia da radicio,

stravestìo anca al caldo, sudaticio
coi comi streti che par che el strenże
anca el cul... e col soriso postìz 
de un che vive sol che de aparenza.

E éa, ma dov’e’i ndati a pescarla?
Co un nome inportante, da Carlo Gozzi,
co quea cofana bianca che ’a te parla,

co quee còtoe che par scartozi...
Da orsi a pinguini che ’i è drio farla, 
dopo i par tuti garbài burigozi.