20 ottobre 2020

589/261^ - s. 425/247°
L'ocazza no, veh. Mejo Andreotti
 
No se sa se ’a sie ’a causa o ’l effetto,
fato sta che in trenta ani che insegne, 
tra quee co cui ò lavorà a stret
cómio, ’e pì oche – gnanca m’ingegne

a trovar na paroea che sìmue rispetto,
quando le é pure teste da legne – 
’e pì oche, disée, le é quee – eccetto 
poche – che par lavoro core su ’e segne 

dei palcheti. Diséme, donca, ’l é 
parché no ghe riva sangue al zervel 
che senpre le core e ziga, o ’l é 

parché le core e ziga che col zervel
dissanguà le parla par gnent e no ’e se
riconosse tra el cocal e’l stornel?