7 febbraio 2023

607/265^ in dialetto - sonetto 436/250

Insegnar a sparar
 
El sotosegretario a’ presidenza
Ianbatista Fazzoeon vol insegnarghe
ai  zóvani a sparar, e co ’a semenza
del sapienton anca el vol farghe

sora na filosofia. De star senza
del mito de ’a valentìa e dee carghe
no li é boni, sti destroni: vioénza
in corpore sano, convinti che darghe

quea baste a far men’sana. Testoni!
coss’ài da ver sti pori signorsì!,
che se gasa co pistòe e  cinturoni.

Purtroppo dentro ’a destra la é cussì:
no li é tuti fascisti o sboroni
ma’l trenta/quaranta par zento sì.