5 luglio 2021
593/262^ – s. 428/248°
Il solito fortunato
Ciacoeona - par formazion - del nonsense,
la é brava a modeàr mostruose
monàe da tre riflession in crose:
el bel ’l é che par che anca le pense.
Senpre ’a se lamenta dee so immense
fadighe: par che ’a lavore, de vose,
sol che ea o ea de pì. ’A gaffeuse,
trovando el coèga in piazza Influencer
a Treviso, se lamenta che’l giorno
drio ’a lavora e lu dopo ani
’l é libero. «’L sòito cueaton»
’a g’ha dit senza vardarse torno;
lu, gay, sbianca, ché da sicilian
no’l sa che qua no vol dir “buson”.
|