I neri in Piazza IV novembre

In zento, uno sentà so ’na panca
altri do su chealtra, davanti a’a banca
se riunisse i negri co ’na sbranca
de boce in quea che ’a è zona franca.

Puzàe a’a coeòna col comio o un’anca
do de lore ciàcoea, l’aria stanca;
poc p’in là un negro pien de paeanca
se senta co ’a pì bea; ghe s’affianca

suìto n’altro impicion da’a parte zanca,
distruto parché in fondo se se sfianca
a ziogar coi tosatei, e là el se rinfranca.

Co tuti ch’i vivi al muro no manca
gnanca el mort: so ’a coeòna bianca
pende l’epigrafe longa de Mr Duncan.