6 settembre 2024

665 - 277^ in dialetto
Faccia infelice
 
'L ha interpretà Felicetto Maniero
e el ghe n'ha fat un personajo
semo, altro che Quel del formajo,
un baucot pì idiota che vero.

Po 'l ha interpretà Messina Denaro
e el ghe ne ha fat un bel cavarón,
assurto sol che par caso a canpión
de 'a mafia tuta coca e sparo.

I boss criminài li é capi dei
stupidi, pì stupidi par definizion,
ma 'e foto da trenteni in azion
li mostra tipi sveji, parfin bei...

E quando el s'ha caeà in Leopardi
anziché de na espression da genio
el g'ha dat 'a facia del "Cossa fénio?",
testa grossa de quel che riva tardi...

Ma no é che a causar 'l ingano
de sti tre, tuti col muso da mona
sie proprio ahimè l'espression pitona
- quea no te 'a canbia - de Elio Germano?