1 gennaio 2025

673 s. 483
El scudét de l’Inter
Bel corajo j’nteristi a farse dar 
e meta in bacheca el scudet-trofeo 
del Domìe-e-sìe, gnanca el par 
robà, guadagnà sol parché el buèo

de Guido Rossi, Inter-im da bar, 
’l ha ciapà trao (par ciavarghe el schèo 
a’ Juve e penaizar el Milan che par 
ani i ghe vea dat papine) dal spenacèo
 
de vosi de andazi antisportivi,
no diversi da quei de l’Inte’ in festa, 
che si ha savùi i ani sucessivi. 

Trofeo davero pìcoeo pìcoeo...
No la é mai ndata in B, ma ’a resta 
na squadra co un che de ridìcoeo.