13 marzo 2008

365/135 - s. 258/131°
El Svizzero
 
No jera bon Fabio de dir busìe
o de tirarse indrìo; e no importa
come che ’a é stata che ’e prime partìe
proprio lu s’ha trovà tra i pai’n porta:

sol mostra che inte’e classi descusìe
ghe vol uno che tegne soto scorta
el quaderno dée règoe e unìe
’e falde de na squadra nata storta.

Me ricorde che se’l Vénare Santo
ch’ò insultà ’a pì stronza dee morose
no vesse trovà el Svizzero (par anto-

nomasia) che m’ha portà fin a Crose,
varàe espià caminando affranto
par chiòmetri el pecà, senza vose.