21 settembre 2015

527 - 217^ 
É senpre na frase bea 1
Che te fae na roba o no te ’a fae
é senpre na frase bea 
che giustifica e lustra quel che te fa.

Che te vae o che te stae
che te varde o che te sère i oci
é senpre na frase bea

che te guarisse o che te te ’mae
che te vinze o che te perde
é senpre na frase bea

che te vae fora co una
o che no te ghe vae
che te ghe voje ben par sie ani
o pa’ un mese
ghe te ghe ’o dise o che te tase
é senpre na frase bea

che te spète o no te epie pì voja de spetar
che te odie o che no te sie pì bon de odiar
é senpre na frase bea

che te vive o che te mòre
de sofferenza e de illusion
o parché no te soffre pì
o parché no te t’illude pì
é senpre na frase bea… 




1 C’è sempre una bella citazione