22 maggio 2023

E po é so conpare E po é so conpare, che ghe ha fata!, ex Forza Italia, ’vocatin da sbarco che a ogni tornàa ghe mete ’a zata e a do dì dae ’lezion tira l’arco: ’micizia in Fessbuk, e co te ghe ’a data, el dì dopo el s’infìa int’el varco: el prega de votarlo; figurata che se żonta a quea del canbio de parco; Po, canbià nome anca al profilo, el se ’a sona e el se ’a suffia come ’l vento sghilo, parlando de sé in terza persona. I lo ha sgamà, pal trucco massa a’ bona, lu s’ha inventà che i g’ha clonà el profilo, e inveze, eletto, ’l é ’l sòito mona.