21 gennaio 2009

416/166 - sonetto 296/161
Distratto
 
El fa l’assorto, parecchio, e ghe piase:
’i g’ha dita che i geni ’i é distrati
e allora assén che almanco el se gase
de quel, se no ’l capisse che i distrati

’i é tonti insonài, no żente in fase
col genio, dotà de ben altri trati...
Ghe dise ch’un mostra acume se ’l tase
no se ’l se parla da sol come i mati?

Parché un che òcupa “casualmente”
tre sedìi, perde senpre l’ombrel,
no ’l mete ’a man che l’educazion ciama

co ’l te tossisse in faccia (“sbadatamente”)
e che co ’l parla el gareja col lama
no ’l é distrato genio, ’l é un putel.