18 ottobre 2011

479/203 - sonetto 345/197° in dialetto Dentro el tunnel Se al Ministero ’i é tuti convinti de ver dat montagne de zecchini pa’ un tunnel de setezentovinti chi’òmetri par veda i neutrini córar pì veòci de’a luce, sinti qua da chi che riva sti figurini, no dai so furbi consu’enti finti né da’a beata gnente de ’a Gelmini: tut’a colpa la é de un portavose, oviamente, de quel che é apparso sul sito ufficiale del Ministero, un porét che ’l ha moeà ’a crose de l’incarico però no el scarso stipendio che ’l merita pa’l so bèro.