6 luglio 2011

469/194 - sonetto 335/188° in dialetto
Che bèa scrittura
 
So ’a neve qualcun ha scritt col piss
“Lancillotto ama tanto Ginevra”.
Artù, gelosissimo de ’a so miss,
in preda a na furia che cresse negra,

prigioniero de un so sospetto fiss,
sguinzaglia ’a guardia reale, żà allegra.
Dopo ’e indagini, mostrando el segno del bis,
torna el capitan con na faccia scevra

d’espression: «Do notizie, una bruta 
e una bea, sire». Artù, pronto al bòto:
«Fòra ’a bèa e dopo quea che me snevra!»

«Sì, sire, el piss ’l é quel de Ancilòto...»
«Questa l’é ’a bea?!? ...e quea bruta?»
«’A scritura la é quea de Ginevra...»