29-30 ottobre 2007

327/110, s. 223/106° Cesa El se fa intervistar in te ’a so sede co ’a foto de De Gasperi ae spae parché ghe piase atteggiarse a erede del statista che mai no lo vorae tra i pìe: Quel se fea guidar dâ fede questo ’l à drìo plètore indagae de basabanchi che ciava e se vede sol co é ora de missiar ’e bae de ’a poitica, cuciài torno al tavoeo dei mafiosi, co putane e furbeti che se contende i fioreti del cavoeo, boni de rida sol che a denti streti... Ché se pur ’l umorismo ’l é del diavoeo lori - che no lo ha - ’i par baucheti.