16 novembre 2006
176, s. 98/32°
Cattedrali moderne
S’ha lamentà i nativi e qualche senpio
dei piloni d’autovia del Fadalto:
el cemento sarìe l’oltraggio enpio
a’ natura. Ma no ’i vede l’assalto
del bel sul gnente de prima, un esenpio
d’arte che dà senso a’ vae co chel salto?
Catedrae moderna, partenon, tenpio,
geometria de nastri che voea in alto,
gioielli de tecnologia mai visti
che in pì ’i porta ’e machine distanti...
I se lamenta come anbientaisti
verdi... Ma no é che ghe fesse a tanti
comodo el serpenton de turisti
che se ferméa a bar e ristoranti?
|