19 maggio 2023

642/271a - s. 465/255° in dialetto 
Cappellini
 
Par fortuna che ’a paròea “cappellini”
a tute ’e persone parben ghe fa
vegner in mente i bruti frontini
da baseball e no ’a pseudoverità
 
... ché a leża ’e monàe da cretini
che ’a psicologa de ’a “virTUalità”
ha scritt su pandemia e vaccini 
— oltretutto pre- e postfata da
 
do simiòti tivù a éa affini
(sarà un caso che ’a sie portavose
del partito dei truzi almirantini?) —
 
me vien da contrapor ae so bavose
ovietà ’l partito dei borsaìni
che ha, soto, teste manco dispetose.