23 febbraio 2023
610/267a - sonetto 439/252
Appendino stort
’A parla lenta, goffa, incasinada,
’a fa fadiga, e se vede, un scotimento;
co ’e rason ’a se trova un fià inderegada
ma la deve difenda ’e monàe del MoVimento,
un partito de balzani, żente scanpada
de casa che s’ha inventà un sacramento
e dov’é ’l ovio ’a rilancia ’a monada
eterna dei antisistema del Novezento.
Ha l’aria de una che no ghe n’intiva una
e ripete ’a fuffa del pacifismo cretino
quando se sa che i camèi no passa pa’ cruna:
bona voeontà ’l é el gnent de ’a Appendino
purtroppo li é tanti, no sol che una.
Governada cussì, pora Torino...
|