29-31 gennaio 2010

449/184 - sonetto 318/178° A morosa de Brunetta ’A domanda da far no l’é davero “Cossa tròvea in Renatin?” che se acosta riciapàndoea par man tut fiero e che grazie a éa finalmente, co ’a risposta, ghe tocarà un sonet â fine intiero. No l’é de sicuro ’a virtù nascosta che attribuisse De Andrè al severo giudice de ’a canzon, carogna apposta; no: Brunetta revessa el girotondo che da sempre accompagna uno nano: lu ’l é anca ’l Pipin pì Breve al mondo...; perciò ’l dubio ’l é, quando i do ’i incede, éa bèa, lu co ’a testa żo de un piano: “Coss’hàea che no va che no se vede?”