12 giugno 2023
651/275a - s. 473/259 in dialetto

A’ fine ha vinto Pippo Baudo

TRE inte i discorsi a pranzo iera ’e tare
del Mienovezentotrentasìe 
(el vaeor de l’Euro): Silvio, me pare 
e Pippo Baudo. Ma mi no capìe

parché no ’l vesse tute chee busìe
in fastidio, de chel fiol de so mare
furbo e ladro che ndéa mat pae fìe,
canpion de l’Italia lupanare.

“Fae na festa co’l more, col gaudio 
ae stée e el primo che invite te resta 
ti”.  É żà tredese ani che ’l é mort; 

no so se ancùo ndarò far festa 
in cimitero, calcossa é ndat stort.
A’ fine ha vinto Pippo Baudo.