21 marzo 2023
635/270a - sonetto 461/254° in dialetto
’A Freccia del Sud
’A freccia del Sud i lo ciaméa,
ché ’l jera da Barletta, insuperà
sìnboeo e atleta de ’a ve’ocità,
dio dei quei che core, Pièro Mennèa,
c’ha esaltà l’Italia co l’epopea
del disnove e setantado a Città
del Messico, trenta ani durà
e tuttora prestazion europea,
e dopo col oro de Mosca, che co
na rimonta che ha del inverosìmie
“Ma chi situ, Mennèa?”, stort sul col
’l é rivà davanti a Wells, e a un spreco
de retorica del òn fat mìssie,
co tre lauree, che s’uno vol, pol.
|