Apostrofe

“San Donà”, se sa, se ’o fa col acento, 
parché no esiste – eh no – na “San Donato 
de Piave” che uno, se vol, elìde; 
i truzi, inveze, che no sa ’l apostrofo, 
i lo usa a sproposito. A Musil, 
dove ’a pì inteigente i l’ha assunta 
sindaca, i é rivai adiritura 
a scriva “Citta’ di Musile”:
là é ancora tanti che dise e scrive 
“cittade”; i assessori li é del Medio-
Evo; e anca “inbaucà” i lo dise 
col apostrofo, parché - freddura - 
no é raro trovar in Giunta 
un “inbaucato”.