754/288^ - s. 556/269
Voi non mi avete dato il Nobel e io...
 
Int'el bociazza 'a psiche la é un specio,
e Trump, vero stronzet da cortìo,
se lusinga de essar tratà co tut el parecio
dovù al pì forte, seben insemenìo.

 'A madaja del Nobel, discorso vecio,
no 'a jera par lu ma lu ghe stéa drìo;
Machado ghe 'a regàea e lu,  ferovecio
sordo al senso, el se 'a pica (sul dadrìo).

Ma se 'a Norvegia - che no c'entra gnent - 
no 'a ghe 'a data, el mete 'a pase in castigo,
col so stupido ego strafotent.

Cussì int'el mondo càea na brosa:
chi no plaude no 'l é pì so amigo
e 'a guera na ripica spaventosa.