5 maggio 2007

270/83 - s. 179/81°
Tosse
 
Jere stressà, e vée un fià de tosse 
che duréa da pì de qualche giorno 
seca a dir el vero, ’e ociaie rosse
che ’a note no dormìe e ’ndee torno…

Me amighi preoccupài  pa’ ’a tosse
e no che i farmaci me rende  storno
i m’ha costrét a tor sciroppi e giosse…
Adess ho i polmoni che ’i é un forno

’a tosse cronica, ho el rafredor, 
’a testa s-gionfa e i oci che me diol
e i me amighi, specie quel che ’l é dotor,

’i bróntoea “che’l semo de Dariol
’l ha ’a mania de tegnerse el doeor
pur de poder dir che’l fa quel che’l vol”