23 gennaio 2026

759/290^ - s. 561/271
Lesso Liorni
 
Pochi presentatori li è lessi al pari 
de Marco Liorni, che pur 'l ha vu 
'a bea Ghigliottina da presentar, 
ma no l é tajà, privo de batùa 

come che 'l é, gnanca bon de crear 
suspence; e una su tre no sta su
dee spiegazion che'l dà par dimostrar 
el nesso dee zinque col passpartout.
 
Come che 'l epie fat a otegner 
chel posto 'l é un mistero; va ben 
che 'l é educato, va ben che tegner 

un tono da benpensante adestrà 
de sti tenpi 'iuta, ma, a un DirGen,
el cul, sicuro, el deve avérgheo dat.