16 novembre 2006

Lelè o'talons
 
Tra quei c’ha senpre urgenza d’un maestro
’i costituisse a parte che se żonta,
squasi mai te ghe trova el pien de estro
che ae notizie riesse farghe a ponta;

i s’esalta quando un fa canestro,
e tra de lori ’i ride e ’i se ’o conta
e a zento cattiverie ’i offre el destro
co l’espression manco sveia che tonta; 

’i à dusento manìe filoinglesi
eppur ’i se scandalizza se i bagni
no ’i é lustri; ogni dì dei soldi spesi

i se fa el resocont e dei sparagni;
ma ben de pì co ’i vol far i francesi
’i te fa vegner el late ai calcagni...