8 maggio 2009

428/174, sonetto 304/168 In nome del Papi Re So mojer ’a é cascada inte’l inganno (el sòito conplotto dei fioi de Nenni): ma no che no’l frequenta minorenni, el jera là par controear el maeàn de l’inceneritor żà in affanno, e po ’l ha pers un’ora co ’e ventenni dal pare de ’a cocàea che do cenni voéa su l’amigo de Alemanno. Pecà ch’epie dichiarà éa par prima, baùca, ch’ogni volta che ’a véa voda na giornata ’a ’ndéa a trovar “Papi” inzima e lu ghe regaéa un anel par goda e a’a so festa, “invità sol par stima”, un collier el véa in tasca pa’a “nevoda”.