9 aprile 2007

Erre moscia
 
Una che ha difficoltà de pronuncia
scansa de dir 'e frasi che la mete
in inpaccio o perlomeno rinuncia
a tute 'e paroe che no ghe vien s-ciete...

specie se ghe manca na lengua che sgruncia
'a evita de dar nomi ae tosete
co 'a  "erre", se no lore la denuncia
pa' vio'enza psicologica e burlete...

E ben, mi conosse 'na bidèa – 
no lo credarae se no a me 'o vesse dita
tra na ciacoa e chealtra proprio éa – 

che pur avendo 'a erre moscia e stita
ha ciamà 'l fiol Enghico... e, pi bèa,
co ben do "egghe" 'a fia: Maghgheghita