758/289^ - s. 560/270
Board of piss
 
Parché no 'a s'ha presentà al gran consesso,
dove 'a pase la é palco coi lustrini?
Forse pa' 'a paura de un insuccesso,
o de na foto bona pai burini?

Epur el senso i lo véa trasmesso,
'sti profeti de ordine e confini,
che alza muri col pugno e 'l mento, riflesso
de veci sogni, foschi e un fià cretini.

E ben sì, 'a Meòna, devota pa' coscienza
a Trump, al mona de Orban, a Milei,
stavolta ha preferìo na bea assenza,

ché el Board of Peace 'l é na stupidàa,
scrita da un semo pa' i ditatorèi:
'a pase no la é merce da piazàa.